بقالي فترة بتفرج على برنامج اسمه Shark Tank (شارك تانك) وده للي ميعرفوش، برنامج فيه ٥ رجال/سيدات أعمال عصاميين، يعني بدؤوا من الصفر، ودورهم انهم يقيموا مشروعات/شركات ناشئة أصحابها بيقفوا قدامهم ويتكلموا عنها ويطلبوا تمويل منهم مقابل نسبة من الشركة، واللي بيقنعهم بياخد التمويل وحياته فعليا بتتغير.
واتعلمت كذا حاجة وأنا بتفرج، منهم:
⁃ متخليش حماسك لفكرتك يعميك عن “جدواها” و”قيمتها” الحقيقية. أوقات كتير بنبقى شايفين فكرتنا هي الأفضل على الإطلاق، بس هي في الحقيقية مش هتحققلنا أي حاجة، فلازم ندرسها كويس قوي.
⁃ الأفكار الصغيرة مش دايما مالهاش لزمة، ادرسها كويس وجرب وشوف. يمكن الفكرة الصغيرة دي اللي انت مستهيفها تكون الـ One million dollar idea وانت مش عارف.
⁃ متتكلمش عن خططك الكبيرة مع ناس مالهمش فيها او محدودي الفكر، لازم يبقى فيه Mentor يوجهك.
⁃ متتخلاش بسهولة عن اجزاء من مشروعك/شركتك عشان مستعجل وعايز تكبر وتنجح بسرعة، ادرس كل نسبة هتتخلى عنها كويس وهتعود عليك بإيه.
⁃ لو بتفكر في فكرة مشروع/شركة الأيام دي، يبقى لازم تربطها بالمجتمع “Social Enterprise”، لانها بقت تعتبر توجه عام، ودي للي ميعرفهاش، الشركات/المشروعات التجارية اللي بتعود بنفع على المجتمع/البيئة. مش خيرية، بس ليها تأثير إيجابي على المجتمع والبيئة.
⁃ الدراسة والتطوير الذاتي المستمر هما اساس النجاح، لو مش فاهم اتعلَّم واسأل وافهم وذاكر كتير وطور نفسك باستمرار.
⁃ اتعلَّم المهارات اللازمة عشان تعمل مشروعك، لو المشروع محتاج مطور أندرويد اتعلَّم تطوير أندرويد، لو محتاج نجار اتعلَّم نجارة. الهدف انك تقلل التكاليف وخصوصا في الأول، وانك تكون دايما فاهم كل حاجة في مشروعك ومتتكلش على حد بشكل كامل.
⁃ الفكرة الجديدة ليها جمهورها، بس في نفس الوقت ممكن يكون جمهور محدود جدا ومش هيحققلك كتير (شوف اول نقطة تاني).
⁃ السوق محتاج Tools وtechnology زي ما محتاج أكل وشرب بشكل جديد. المهم (تدرس وتجرب وتتعلم وتفهم) فكرتك كويس قوي. كل الافكار عظيمة وهي لسه فكرة، والتنفيذ هو اللي بيفصل بين الفكرة العظيمة فعلا واللي احنا شايفينها عظيمة.
⁃ السوشيال ميديا/الإنترنت عموما هي أفضل مكان لتسويق/بيع منتجاتك، الـ E-commerce عموما هو المستقبل.
⁃ عندك فكرة “جديدة”، سجلها وش ومتستناش عليها ومتقولش لحد عنها، فيه تقريبا ٨ بليون بني ادم غيرك على الكوكب واكيد فيه واحد عنده نفس الفكرة بالظبط.
⁃ الصبر والاستمرارية والمرونة من اهم الحاجات اللي لازم تبقى من صفاتك. واللي متابعيني من زمان عارفين اتكلمت عنهم قد ايه، وأنهم من اهم الاسباب اللي غيرت حياتي تماما في الكام سنة اللي فاتوا.
⁃ عافر.. أو خليك Grinder زي ما بيقولوا في البرنامج، مفيش حاجة بتيجي بالنية.
⁃ Grinder (slang):
⁃ Someone staying on top of their shit.
فخليك on the top of your shit !
🌍
فيه حاجات كتير تاني اكيد هنشرها في بوست تاني.
متنسوش تشتركوا في يوتيوب Walid Taha
وتتابعوا انستجرام geeknowledge وتويتر WelshWT
